موقع الأول نيوز الأخباري كن أول من يعلم
مقالات مشابهة
الأول نيوز – عاد المطرب الشعبي المصري، شعبان عبد الرحيم، إلى تصدر عناوين الأخبار مجددًا بعد تداول ناشطين على مواقع التواصل الاجتماعي أغنية جديدة له تهاجم الرئيس الأميركي دونالد ترامب، بعد إعلانه القدس عاصمة لإسرائيل الأربعاء الماضي.
والأغنية الجديدة التي تشهد تفاعلًا كبيرًا عبر منصات التواصل الاجتماعي، جاءت تحت عنوان “ترامب خلاص اتجنن”، وتتضمن انتقادات وهجومًا على مواقف الرئيس الأمريكي وقراراته، التي باتت تهدد العالم حاليًا.
والغريب أن عبد الرحيم، سجل أغنيته الجديدة “ترامب خلاص اتجنن” فى يوم واحد، والتى هاجم فيها قرار الرئيس الأمريكى دونالد ترامب بنقل السفارة الأمريكية فى إسرائيل إلى القدس المحتلة.
وأضاف المطرب الشعبى فى تصريح لـ “اليوم السابع”، أن الأغنية كتب كلماتها الشاعر الغنائى إسلام خليل، وسجلها ليلة أمس، كنوع من التضامن مع القدس الشريف، وعلق :”ترامب مالوش فى السياسة، أنا معرفش إيه إللى قومها فى دماغه وخلاه يبقى رئيس”، واختتم :”القدس عربية”
وتقول كلمات الأغنية :
ترامب خلاص اتجنن .. محتاج يا ناس قفص
وكله يخلى باله .. لو عض أو رفس
مالك ومال القدس .. أما أنت راجل رذل
كبرت خلاص يا ترامب .. ولازم تعتزل
عامل علينا معلم .. علشان إحنا دلعناك
مافيش غير بس كوريا.. هى اللى مظبطاك
إكمنك شكل هوجان .. ماشى تخبط بإيديك
مافيش غير كيمو يانج .. هو اللى بيقدر عليك
يا راجل اختشى على دمك .. بجد عيب عليك
ولعت الدنيا بكلمة .. يارب تعمى عنيك
يا ترامب يا صهيونى .. يا ممثل دوبلير
الشعب العربى كله .. مش هيعديها على خير
القدس هتفضل باقية .. عربية ليوم المعاد
يا جماعة فين القدس .. أمال فين الجهاد
قاعدين تجاهدوا فينا .. جهاد مالهوش مثيل
أنا نفسى أشوف جهادكم .. فى أمريكا وإسرائيل
القدس أهى بتتسرق .. بنقول يا مين يحوش
قولنا الربيع العربى .. مؤامرة ماصدقوش
ترامب ناوى يخربها .. ويولع الفتيل
طالع يقول القدس .. عاصمة إسرائيل
لو مرة يا عرب اتحدوا .. اكسروا سم التعبان
ده المتغطى بأمريكا .. وحياة ربنا عريان
فتحت فاتوحة على نفسك .. يا ترامب ومش هتفوت
القدس خط أحمر .. وباقية مش هتموت
إياك تتكلم تانى .. على صلح أو سلام
ده أنت الإرهاب الأصلى .. وشوية عليك إعدام
الموج والنبى لنهده .. يالى صنعتوا الإرهاب
إسرائيل إيه يا جدو .. ليلة أبوكو هباب
الغضب الساطع ات .. ياترامب يابن ماريكا
ولا إسرائيل هتحوشو .. ولا مامتك أمريكا
