مقالات مشابهة
فيصل جهاد صويص –
الأول نيوز – قعدت افكر كأي شاب في البلد وسألت حالي بصوت عالي (شو قاعد بصير)
1) حالة من التخبط في ما يسمى بقضية الفتنه و تحديداً بالرواية الرسمية و تعامل الاعلام المحلي معها
2) اكتشفت اننا نمتلك موظفين و ليس رجال دولة و انفضحنا عربياً و عالمياً بادائهم و زادوا من فجوة الثقة بين المواطن و مؤسسات الدولة و هنا لا (اعمم)
3) اكتشفت انه غينيس اهم من الباص السريع و مشاريع البنية التحتية بالنسبة لامانة عمان
4) حكومة غائبة عن المشهد السياسي و الاقتصادي و ضعيفة جداً و ما عندها لا خطط و لا حلول و لا دراسات يعني ماشيه على البركة الله يسلمها
5) بعض اعمال الدراما الاردنية تحتاج إلى إعادة تأهيل و مش كل واحد جاب كم مشاهدة و إعجاب على التواصل الاجتماعي صار فنان
6) القرارات الحكومية عاطفية و ضعيفة لأنه أساسها مبني على اليومية و الفزعه و هذا احد الأسباب الي وصلتنا لهون
7) اكتشفت انه الحكومة ما بتعرف كم كنيسة بالأردن و لا حتى مدة كل قداس عند المسيحيين
😎 بعض القرارات ومنها حظر الجمعه بلا اي فائدة و الاستقالات من المناصب العامة دليل انه الوضع مش مزبوط
9) تدخل الملك بكل كبيرة و صغيرة دليل على ضعف الحكومات و حادثة الدباس و تخفيف إجراءات الحظر اكبر دليل على ذلك
10) تم تغيير موقع صندوق المعونة الوطني ليصبح بالعبدلي بعد توزيع الكوبونات على النواب الله يحفظهم
11) لا يمكن أن نحافظ على هذا الوطن و إنجازات الاجداد و الآباء الا بإصلاح حقيقي صادق و بمسؤولين بعرفوا يسولفوا معنا و يعرفوا اوجاعنا و مشاكلنا و بخطط تنموية على الأرض مش بالمؤتمرات و الفنادق
12) سرقتوا احلامنا وطموحاتنا وسكتنا بس لا تسرقوا رغيف الخبز الي معنا
#وسلامتكوا
