مقالات مشابهة
محمد صبيح –
الأول نيوز – قال فريد الاطرش بالزمانات( احبابنا ياعيني ماهم معنا رحنا وراحوا عنا ماحد فبنا تهنا)
وليت الامر وقف عند احبابنا فالأحباب احرار وليس علينا لهم سوى سطوة وسلطة الحب والعشق ولكن ان يتوسع من هم مش معانا من الاحباب الى الى النواب فيجب ولازم الشعب يوقف( ويشحط بريك) , صحيح البعض منهم تهنا لما بعد عنا , و صحيح ان الشعب” يداه اوكتا وفوه نفخ” وان هذا المجلس طبيخنا او طبيخ الاخرين وصحيح ان ان الأغليبية من الناخبين لم يخرج عن (الكنبة) وظل مكوع يوم الانتخاب او الانتحاب ع راي البغض وصحيح ان الكثير ذهب للبحرة يوم الفرز العظيم و صحيح وصحيح بس انها توصل لهيك عن جد اشي بطير ضمان العقل بعد ماطار تقاعد الضمان!
قانون الجرائم الألكترونية وما جرى معه في المجلس سولافة طرمة بكل ما تحوية السولافة من سواليف وكل ما تحملة كلمة طرمة من طرم …فلم يستغرق اخطر واشطر قانون اعد له بمهارة (شايلوك) وشطارة ( ابن ابيه) وتم خلط السقي بالبعل ودس السم بالسمسم وبشوية دسم ويا دوب صفر الحكم كانت النتيجة 3 صفر ؤروحت ويعطيهم العافية وليش يغلبوا حالهم بصيد السمك الفاسد ( وهو عن جد فاسد وقليل حيا وع الفاضي وعالمليان ) بشهر وبشحبر الطالح مع الصالح …ومستغل الطعة اللي قايمة ع السوشيال ميديا وميخذ راحته .. وهظا اللي استغله صياديوا ( الشارع الضيق) ولعنوا سما الشارع الواسع.. جماعة الحكومة خططوا وقرروا يجففوا كل بحيرة الحريات العامة والكل بدو يغني ” مقدرش اخالفك لاني عارفك تقدر تحط الحديد بايدي” والألفات اللي وصلت اربعين وخمسين الف في او او فيش وبكلمة واحدة اللي هي ( انطم ) ولا بنعمل في السبعة وذمتها شو سبعة وسبعك من دون ربعك ومن لغاليغه ( ع راي ابله عفت الشهيرة بمدرسة المشاغبين) والساكتين والملايين الصابرين! المهم….الله وكيلك …..وباسرع من قلاية بندورة صوتوا الشباب النواب وزي ماشاف الناخب يخرف!!
واللي بفصمك انه القانون راح دستوريا ع الغرفة الثانية بمجلس الأمة ” مجلس الاعيان” وطلع المعين احسن شوي من المنتخب ( ياعمي هظا المنتخب عمرة مابجيب ميدالية ومش رج نوخذ اذا ظل هيك دوري المساجد مش نوصل كاس العالم!!) شو بدكو بالطويله ع القليلة سمعنا بالاعيان ناس دققوا بالقانون وحذروا من خطورته ( وخلط المخلوط وربط الحر وفك المربوط ) ماحدث في غرفة الاعيان يشير الى ظاهرة فريدة جديدة لم نعهدها في الماضي البعيد ولا القريب الحمدلله ( ويا ربي تديمها من نعمه وتحفظها من الزوال) مجلس( سيدنا يطول عمره) فيه اصوات ” ضد تكميم الاصوات” ومجلس النواب ( الله ….. عمره ظايله سنة) ضد كل الشعب والشباب الاّ من رحم ربي!
….والملاحظ هنا وليعلم القاصي والداني والشعب الحنون الحاني ان بمجلسه المنتخب احزاب هي منذ الان بدهاش يفتح ثمة ويصوت … (الاّ الها طبعا) ومررت طابة القانون وتسللت وقالت للشبيحة تفضل سجل اقوى واغلى هدف وتراِهن على ( انه فش حدا بقرا وبّتبع) …مجلس نواب الشعب الاردني سريالي وهملالي وبشتغل مع الشعب بسياسة ( ياحلالي يامالي) ونفس النواب اللي صوتوا ع قانون مكافحة الجرائم ومكافأة العوالم ( اللي لابد وجابد وحامي الفاسد) مرنكنين يرجعوا بالمناسف والعزايم والبشاير للعشاير والخمسينات تاعت المال المقلعط , والضوء الاخضر اللي ( ان شالله ما بحظر) … وسمعونا زقفة محبة برسول الله وعلى الله نصيد الحيتان هون وهاك وهان …والسمكة تتذكر الصياد وتقوم عن (الجنبية) وتغني : احنا يا شباب يوم الانتخاب بنطلع نواب وبنفوت نواب!!
يجعل كلامنا عليهم خفيف… وين بيت الأجر عظم الله اجركم!
- كاتب وسينارست اردني
