مقالات مشابهة
الأول نيوز – على صفحة الزميل الصحافي محمد العويمر كتب احد المسافرين رأيا في الملكية الاردنية على اثر رحلة من الرياض الى عمان قال فيه:
راي احد المسافرين
!!!! مفروض هي وجه البلد لأي أجنبي جاي عالبلد، و عفكرة النا كمان احنا المغتربين….. الخميس ١٦ / ٦ جيت أنا وولادي من الرياض الى عمان على رحلة الملكية الاردنية ٧٣١…..
وصلت عشان اسلم الشنط، واخد ال boarding passes ، علما بأنه انا حاجزة المقاعد و محددة انه بدي ٣ وجبات اطفال من فترة و من قبل بيوم اكدت الحجز والمقاعد والوجبات و تاكدت انه الطيارة ما تغيرت او صار عليها اي تعديل… اكتشفنا انهم مغيرين مقاعدنا و حاطين اطفالي الصغار كل واحد بمكان!!! لما جادلتهن بالموضوع قالوا انه الطيارة تغيرت مع انه هي ما تغيرت متل ما ذكرت فوق
المغرب بيأذن بالرياض الساعة ٦:٤٠ دقيقة…. واقلاعنا ٧:١٥….
دخلنا عالطيارة…. كتير كان رح يكون شي منيح و صح وواجب انه المسؤولين يعطوا كاسة ماء او تمرة لكل مسافر و هو طالع عالطيارة من مبدأ انه الدنيا رمضان والمغرب أذن ….لا شفنا مي ولا شي….
بدلنا المحلات بين الركاب عشان الاطفال لانه الكل كان عم يشكي من نفس المشكلة، بعديها ناديت واحدة من الصبايا بحكيلها هيك رح يصير في لخبطة لاني انا طلبت ٣ وجبات اطفال و بيكونوا محجوزين حسب الاسم ورقم المقعد، بترد علي بتقول ما تقلقي كل الوجبات متل بعض…. قعدنا بالطيارة متنا شوب و تأخرت الطيارة لطلعت لانه المكيف خربان و بيستنوا الصيانة…. الحرارة ٤٧ والطيارة مليانة والموظفين اختفوا، والناس بتتذمر والاطفال و بتبكي، وطبعاً لسه ما أفطرنا بما انه احنا صايمين….
المهم الساعة ٨:٥٠ بدل ٦:٤٠ دقيقة جابوا لنا الوجبات، بننصدم انه فطور الصائم بيكون ساندويش لبنة و خيار!!!!!!!!!!
اشي بيخزي صراحة!!!!
