مقالات مشابهة
*محمد صبيح –
الأول نيوز – يقول محمد الشاكر وهو عند الأ ردنيين مثل العقيد ابو شهاب في باب الحارة ج١ (شكلين ما بحكي) ان موجة زي جهنم ” قادمة للبلاد ..وستلعن اللي نفض العباد ” ع راي فراجين في (وطن ع وتر) .. وللشاكر مصداقية في اخبار الطقس ودقة مُجربة ..ياريت الحكومة واعلامها يملك (نصها وشخصها) في اخبار ” الطقس والفقس والعض والرفس!!”
…ماعلينا , المهم جاينا حسب الشاكر (نشكر الله) مرتفع اخو شلن “كأنو ناقصنا مرتفعات!” يا خوات الشلن … اتعرفون ماذا يعني مرتفع حراري لأهل الأردن المحمية من الله (طبعا مش كلهم) … اقصد أغلبية الطبقات الكادحة ذوي الوجوه الكالحه والمي المالحة (حقد طبقي وتقسيم ماركسي) أجلكم الله واستغفر الله….!!
…………….
………………
بالدارجة الشعبية ( شووووووووووب) يعني دوشات وتنكات مي ومصاري والمي “مقطوعة يافندي” ومراوح بتلف “بالقيظ والغيظ ” ونيال اللي عنده مُكيف بات ليله “مكيف “.. بس فاتورة الكهربا (العقربا) مصااري وبتذكرك بالواوي اللي بلع منجل (وعند الشريعة ببين ابو قراق) زي مابقولوا ، برضك مصاري ,, طيب بطيخة صيفي … شمة هوى “اكل هوى”..تلفريك يابو شريك مصاااااااري,, ووين مالفيت وجهك مصاري ، مسابح شالح مصايف قطايف مصاري ، فلوس يامنحوس… ملاحف يابو نايف ….. طيب نستأجر مزرعة خخخ مابزبط معنا بالمزرعة غير ( نعمل لتشييك مزارعكم تلفون ٠٠٠٠!!)… هظا كلو كوم واذا قطعت الكهربا ” الله يرجعها بالسلامه” كوم بقلك جهد عالي وضغط عالي و”يا لطيف انتوا هالفئرا شو طماعين!” على فكرة بتعمد اني مااجيب سيرة ع راي طيب الذكر اللي” اضاعوني وايُ فتى اضاعوا ” فنان الشعب والشغب (موسى حجازين) وبتهرب من جماعة ( انطاليا وشرم الشيخ وطيري ياطيارة طيري) بدناش نلعب براني خلينا جواني !
… وسلامتك من الهسهس وهجومه والقارص ونجومه, والصرصار ع راي الفنانة شيرين “صرصار حبنا” وحينا … وخصوصا ابو( المسيّرات ولاركب حدك يالماتور!) ,,,,
شو دخل البلدية بالصراصير وعيون المها بين ” الرصيفة” والجسر…. بأختصار الله يبشرك بالخير ابو شاكر . .. ويخلف عليك ماقصرت بنشوفك قريباً وميل.. ميل يازلمه هينا مرمين بشوارع ((مدينة الشرق بالزرقا )) بنهش ذبان وبنكش احزان وبنعطيها طرنيب ياغضيب …ومن هسا الجنبيه ع السطح بتنتظرنا مع “الوسادة الخارية! ”
“ولاسهر وعد نجوم, نجمة على نجمة … قلبي ال خالي ينام قلبي شي ينيمة!”
*كاتب وسيناريست اردني
