مقالات مشابهة
الأول نيوز – لفتت نظري رسالة بسيطة فيها وجع شبابنا الباحث عن أي فرصة عمل كتبها الشاب فادي زياد صويص على صفحته على الفيسبوك.
فادي شاب يعمل شيف، وبعد جائحة الكورونا وما لحقت بها من كوارث في قطاع المطاعم اصبح بلا عمل بعد إغلاق مطاعم كثيرة عمل فيها.
ولان فادي مبادر وصاحب فكرة، توفر له قرب منزله مكان لا يتعدى 35 مترا قرر أن يحوله إلى مطعم لتجهيز البيتزا وتوصيلها دلفري، هذا الامر يساعده في إيجاد حل لمشكلته مع البطالة، ويحمل معه ايضا حلا لمشكلة شابين يزاملانه في العمل.
أليست هذه فكرة إبداعية أهم بكثير من أفكار وزارة العمل ومشروعات التشغيل الوهمية.
فادي؛ بحسب منشوره تعقدت أمامه إمكانية ترخيص مشروعه الصغير، وضاعت أحلامه ما بين بلدية الفحيص وأمانة عمان.
حل مشكلة فادي وغيره من الشباب الطموح والمبادر أهم بكثير من ورشات العمل والخطط الوهمية وبرامج التشغيل التي لا تشغل أحدا، فهل تجد صرخة فادي أذان مستمعة جيدة وتعرف أن روح القانون أهم بكثير من النصوص الجامدة. (المحرر)
نص الرسالة…
قبل سنه تقريبا حكيت خليني اسوي مشروع بأرضي صغير ،اشغل حالي واشغل معي شباب ٢ من الفحيص ، مشروعي الصغير كان عباره عن ٨ طاولات مساحته ٣٥ متر وفرن حطب بيتزا فقط ،نزلت علبلديه حكولي بدك مخطط هندسي ومخطط موقع ومخطط تنظيمي ومخطط طبوغرافي رحت عملتهن ،رجعت عندهم حكولي لازم ينزل المشروع على المجلس البلدي ويوافقو عليه ،المهم اجاني رفض على المشروع حكتلهم ليش طيب شو سبب الرفض ما حدا جاوبني كاتبين ملاحظه انه سبب الرفض تنظيم الارض، كل الحكي هاض قعدت ٦ اشهر اركض على البلديه قدمت استدعاء ثاني حكولي انت معاملتك مش بالفحيص بعمان رحت على عمان بحكولي انت معاملتك بالفحيص مش بعمان قضيتها هيك ،لحد هسا مش مبينه وين معاملتي ،يعني معقول هلمشروع لصغير هاض مش موافقين عليه لا مجلس ولا رئيس ولا مهندس ، يعني بطلنا احنا اهل المنطقه النا الاولويه نعمل مشاريع بالفحيص،انا زلمه لا بدي ابيع الارض ولا بدي ابني عليها اسكان يدمر كل المنطقه كل الي بدي اعمله مشروع ٣٥ متر ، يطعميني ويطعمي شخصين معي ويكون متنفس للفحيص الي كلها اسكانات فوق بعض انا كل الي طالبه ارحموا الشباب مشروع زي هاض لازم تلاقوله مخرج مش تسكروها بوجهي من جميع الاتجاهات انا عامل اشي الي وللمجتمع ،في ناس عنده علم اكمن شب فحيصي قاعد بدون شغل ؟؟؟ طيب انا اشغلهم معي مش نعمه هاي ؟؟؟
الله يكون بعونا…
